ՓՄՁ վարկեր

  Այս վարկերը տրամադրվում են սկսնակ կամ արդեն գրանցված տնտեսվարող սուբյեկտներին կամ անհատ ֆերմերներին: Վարկը տրամադրվում է հետևյալ պայմաններով`

•  Վարկի գումարը` 1 500-60 000 ԱՄՆ դոլար,
•  Առավելագույն ժամկետը 60 ամիս,
•  Վարկի տոկոսադրույքը`

• 14 %՝ մինչև 8000 ԱՄՆ դոլար վարկերի դեպքում, փաստացի տոկոսադրույքը՝ 12.6794-14.9416 %, • 12 %՝ 8000 ԱՄՆ դոլարից բարձր վարկերի դեպքում, փաստացի տոկոսադրույքը՝ 12.6863 %, • 12 %՝ ՛՛Անիվ՛՛-ից երկու և ավելի անգամ վարկ ստացած այն հաճախորդների նոր՝ մինչև 8000 ԱՄՆ                     դոլար վարկերի դեպքում, ովքեր նախորդ վարկերը մարել են առանց էական ուշացումների:

• Վարկի տոկոսադրույքը հաշվարկվում է վարկի փաստացի մնացորդի նկատմաբ, հիմք ընդունելով տարին օրացուցային (365օր), բաժանարարը` 365,
• Վարկառուները ներկայացված ծրագրում պետք է ապահովեն առնվազն 10% սեփական ներդրում գործող սուբյեկտների դեպքում, և 25%` սկսնակների դեպքում,
• Կախված գործարար ծրագրից` վարկի տրամադրումը կարող է իրականացվել փուլերով,
• Տոկոսագումարները վճարվում են յուրաքանչյուր ամիս,
• Մայր գումարի մարման հաճախականությունը քննարկվում և համաձայնեցվում է հաճախորդի հետ՝ ելնելով ծրագրի դրամական հոսքերից և բիզնեսի առանձնահատկություններից: Կարող է կիրառվել մայր գումարի մարման հետաձգման մինչև 12 ամիս արտոնյալ ժամկետ,
• Վարկը ժամկետից շուտ վերադարձնելու դեպքում լրացուցիչ գումար չի գանձվում
• Վարկի մարումները սահմանված ժամկետում չկատարելու դեպքում հաշվարկվում է տույժ. ժամկետանց մայր գումարի նկատմամբ՝ օրական 0.1 տոկոսի չափով, իսկ ժամկետանց տոկոսագումարի նկատմամբ՝ օրական 0.12 տոկոսի չափով
• Վարկերը տրամադրվում են գրավով կամ օրենքով սահմանված այլ ապահովման միջոցներով ապահովված լինելու դեպքում,
• Մինչև 10000 ԱՄՆ դոլարի վարկը կարող է տրամադրվել նաև 3 և ավելի երաշխավորությունների առկայության դեպքում,
• 10000 ԱՄՆ դոլարից ավելի վարկերի տրամադրման համար գույքի գրավադրումը պարտադիր է: Ընդ որում` եթե որպես վարկի ապահովում հաճախորդի կողմից ներկայացվում է միայն գրավ (լրացուցիչ երաշխիքներ/երաշխավորություններ չեն ներկայացվում), ապա վարկի գումարը չի կարող գերազանցել գրավադրվող գույքի գրավային արժեքի 75%-ը): Ապահովման միջոցի գրավային արժեքը կարող է որոշվել վարկային մասնագետի կողմից: Այս դեպքում անկախ գնահատողի գնահատումը պարտադիր չէ

* Վարկավորման համար վճարման ենթակա գումարների ցանկը և դրանց չափը.

1. Հայտի ուսումնասիրության միանվագ վճար՝ 6 000 դրամ, որը հայտատուի կողմից վճարվում է մինչև հայտի ներկայացումը և ենթակա չէ վերադարձման՝ անկախ վարկային հայտի վերաբերյալ կայացված որոշման դրական կամ բացասական լինելուց:
2. Վարկի տրամադրման միանվագ վճար` հաստատված վարկի 2%-ի չափով, ոչ ավել 75 000 դրամից, որը նվազեցվում է հայտի ուսումնասիրության համար վճարված 6 000 դրամի չափով:

 ԱՄՆ դոլարով տրամադրված վարկերի գծով սպասարկման վճարի, տոկոսագումարների և տույժի (տուժանքի) վճարումը կատարվում է ՀՀ դրամով` հիմք ընդունելով վճարման օրվա ՀՀ ԿԲ-ի կողմից սահմանված ԱՄՆ դոլարի հաշվարկային փոխարժեքը: Արտարժույթի փոխարժեքի փոփոխությունները կարող են ազդեցություն ունենալ վարկի մարումների վրա:    

 

Վարկի ապահովում.

1. Գրավ

Գրավի առարկա կարող է հանդիսանալ անշարժ, շարժական կամ այլ գույք:

 

Ուշադրություն!

 

ՁԵՐ ԳՈՒՅՔԸ ԿԱՐՈՂ Է ՕՐԵՆՔՈՎ ՍԱՀՄԱՆՎԱԾ ԿԱՐԳՈՎ ԲՌՆԱԳԱՆՁՎԵԼ, ԵԹԵ ԴՈՒՔ ԺԱՄԱՆԱԿԻՆ ՉԿԱՏԱՐԵՔ ՁԵՐ ՏՈԿՈՍԱԳՈՒՄԱՐՆԵՐԻ ԵՎ ՎԱՐԿԻ ԳՈՒՄԱՐԻ ՄԱՐՈՒՄՆԵՐԸ:

         2. Երաշխավորություն  

• Երաշխավորը Վարկատուի առջև կրում է սուբսիդիար, իսկ ՀՀ քաղաքացիական օրենսգրքի 377-րդ հոդվածի 3-րդ մասով նախատեսված դեպքերում` համապարտ պատասխանատվություն: Եթե վարկառուն չկատարի իր պարտավորությունները, ապա վճարելու է երաշխավորը, վատանալու է երաշխավորի վարկային պատմությունը, և հնարավոր է՝ երաշխավորը զրկվի իր սեփական գույքից:

• Երաշխավորին տրամադրվում է երաշխավորության և երաշխավորությամբ ապահովված պարտավորության պայմանագրի (այդ թվում վարկի մարման ժամանակացույցի) մեկական օրինակ:

• Երաշխավորը 7 օր առաջ ծանուցվում է պայմանագրի պայմանների փոփոխության մասին:

• առնվազն 1 օր առաջ ուղարկվում է հիշեցում պարտավորության հերթական վճարման օրվա վերաբերյալ:

• Պարտավորության կետանցումից ամենաուշը մեկ օր հետո երաշխավորը տեղեկացվում է այդ մասին:

• Երաշխավորի հետ հաղորդակցումն իրականացվում է վերջինիս կողմից ընտրված եղանակով:

 

Վարկի տրամադրման գործընթացը

 

• Վարկերը ձևակերպվում են Ընկերության գրասենյակներում:

• Վարկային հայտի վերաբերյալ որոշումը կայացվում է հաճախորդի կողմից կազմակերպությանն անհրաժեշտ տեղեկատվության և փաստաթղթերի ամբողջական փաթեթը ներկայացանելուց հետո առավելագույնը 10 աշխատանքային օրվա ընթացքում:

• Կայացված որոշման մասին հաճախորդին տեղեկացվում է 3 աշխատանքային օրվա ընթացքում:

• Վարկի տրամադրման դրական որոշման դեպքում վարկը հաճախորդին տրամադրվում է անհրաժեշտ բոլոր փաստաթղթերի և պայմանագրերի ստորագրումից/վավերացումից, պետական գրանցումից հետո առավելագույնը 3 բանկային օրվա ընթացքում:

• Վարկի գումարը տրամադրվում է անկանխիկ:

Հաճախորդին վարկի տրամադրման դրական որոշման գործոններն են՝

• գործունեության դրական զարգացման պատմություն,

• դրական վարկային պատմություն,

• պատասխանատվության բարձր զգացում և նպատակաուղղվածություն,

• իրատեսական գործարար ծրագիր,

• գործունեության վարկունակության բավարար մակարդակ:

Վարկային հայտի մերժման գործոններն են`

• բացասական վարկային պատմություն,

• վերլուծության արդյունքում ստացված անբավարար ֆինանսական ցուցանիշներ,

• վարկի մարումները իրականացնելու համար անբավարար եկամուտներ,

• անարժանահավատ տեղեկատվության տրամադրում:

 

ՎԱՐԿԱՅԻՆ ՊԱՏՄՈՒԹՅՈՒՆ ԵՒ ՍՔՈՐԻ ԳՆԱՀԱՏԱԿԱն

 

• Ի՞նչ է վարկային պատմությունը

Վարկային պատմությունը ցույց է տալիս, թե դուք ինչպես եք կատարել և շարունակում կատարել ձեր բոլոր ֆինանսական պարտավորությունները: «Վարկային տեղեկատվության շրջանառության և վարկային բյուրոների գործունեության մասին» ՀՀ օրենքի համաձայն վարկային տեղեկատվությունը վարկային տեղեկատվության սուբյեկտի կողմից ստանձնած պարտավորությունների վերաբերյալ տեղեկատվությունն է, որը ցույց է տալիս վարկային տեղեկատվության սուբյեկտի պարտքերը, վճարումները, վճարումների սովորությունները կամ պարտավորությունների կամ դրանց կատարման վերաբերյալ տեղեկատվություններ:      

• Ի՞նչ է Վարկային սքոր գնահատականը

Վարկային սքոր գնահատականը ցուցանիշ է, որը ձևավորվում է վարկային պատմության հիման վրա և ցույց է տալիս՝ որքանով է տվյալ անձը պարտաճանաչ որպես վարկառու: Վարկ ունեցած չլինելու պարագայում անձը չի կարող ունենալ նաև սքոր գնահատական: ՙՙԱնիվ՚՚ ՈՒՎԿ ԱԿ-ն ներկայումս վարկեր տրամադրելիս սքոր չի կիրառում:    

• Ի՞նչ ազդեցություն ունի Վարկային հարցումը սքոր գնահատականի վրա

Կախված վարկային հարցման տեսակից՝ այն կարող է ազդել ԱՔՌԱ վարկային բյուրոյի կողմից կիրառվող սքորի տեսակների՝ ԱՔՌԱ սքոր և ՖԱՅԿՈ սքոր, ինչպես նաև ֆինանսական կազմակերպությունների կողմից կիրառվող սեփական սքոր գնահատականների վրա: Հարցումների նպատակների և վարկային սքոր գնահատականի վրա դրանց ազդեցությունը ներկայացվում է ստորև.

Նոր վարկային դիմում - նվազեցնում է, Երաշխավոր անձ /նոր վարկային դիմում/ - նվազեցնում է, Փոխկապակցված անձ - չի ազդում:

• Ինչպիսի՞ տեղեկություն է պարունակում վարկային պատմությունը

Ձեր ստացած վարկերը, դրանց քանակը և գումարը, յուրաքանչյուր վարկի տեսակը և ժամկետները, վարկից բխող մարումների կատարումը, Ձեր կողմից այլ մարդկանց տրամադրված երաշխավորությունները, ժամկետանց վարկերի առկայությունը, ինչպես նաև դրանց համար սահմանված տույժ ու տուգանքները, չվճարված կամ ուշացված կոմունալ վճարները, վերջին վեց ամսում ձեր ստացած աշխատավարձի միջին չափը:      

• Քանի՞ տարվա տվյալներ են ներառված  վարկային պատմությունում

Ձեր վարկային պատմության մեջ ներառվում են միայն հարցման պահից վերջին 5 տարվա վերաբերյալ տվյալները: Համաձայն «Վարկային տեղեկատվության շրջանառության և վարկային բյուրոների գործունեության մասին» ՀՀ օրենքի 11-րդ հոդվածի դրույթների, «վարկային բյուրոյի կողմից տրամադրվող վարկային զեկույցներում չպետք է       ներառվի վարկային զեկույցի տրամադրման պահին նախորդող հինգ տարուց ավելի           վարկային տեղեկատվություն»:        

• Ինչու՞ են կարևոր վարկային պատմությունը և սքոր գնահատականը

Երբ դուք դիմում եք վարկի համար, բանկը կամ վարկային կազմակերպությունը մինչև ձեզ վարկ տրամադրելու որոշում կայացնելը գնահատում է, թե որքանով եք դուք պատասխանատու որպես վարկառու: Եթե դուք ձևավորել եք «լավ վարկային պատմություն», ապա բանկը կամ վարկային կազմակերպությունն հավանական է, որ ավելի հեշտ, արագ և ավելի բարենպաստ պայմաններով կտրամադրի ձեզ վարկը: Նախկինում դրսևորած «վատ վարկային պատմությունը» կարող է հիմք հանդիսանալ նոր ստացվող վարկերի պայմանների խստացման կամ ընդհանրապես չտրամադրման համար:        

• Ինչպե՞ս ձևավորել լավ վարկային պատմություն  

Պատշաճ կերպով, ճիշտ ժամանակին վճարեք ձեր վարկի տոկոսներն ու մայր գումարի մարումները: Մտածեք այլ անձի համար երաշխավոր դառնալուց առաջ: Մի դարձեք վատ վարկային պատմություն ունեցող անձի համար երաշխավոր: Ժամանակին կատարեք ձեր կոմունալ վճարները,(գազ, էլեկտրոէներգիա, ջուր, բջջային հեռախոս և այլ):        

• Ինչպե՞ս բարելավել վարկային պատմությունը և սքոր գնահատականը

Նախ, անհրաժեշտ է լիովին մարել նախկինում գոյացած ժամկետանց պարտավորությունների վճարումները: Բացի այդ, ներկա պահին գործող վարկերի մասով անհրաժեշտ է բացառել ժամկետանց՝ նույնիսկ մեկ օրվա կտրվածքով պարտավորությունների գոյացումը: Խուսափել ապագայում անվստահելի անձանց համար երաշխավոր դառնալուց:    

• Ինչպե՞ս շտկել սխալ կամ թերի վարկային պատմությունը

Եթե Ձեր վարկային պատմության մեջ առկա են սխալ կամ թերի տվյալներ, ապա պարզաբանման և ուղղման նպատակով Դուք կարող եք այդ մասին տեղեկացնել "ԱՔՌԱ Քրեդիտ Ռեփորթինգ" ՓԲԸ-ին կամ ուղղակիորեն դիմել տեղեկատվություն տրամադրող ֆինանսական կազմակերպություններին: Վարկային բյուրոյին տեղեկացումը կարող է իրականացվել համապատասխան գրավոր դիմում ներկայացնելու միջոցով կամ էլեկտրոնային եղանակով՝ առցանց ռեժիմում "Իմ ԱՔՌԱ" անձնական գրասենյակից:

 

Վարկային պատմության և վարկային սքորի վերաբերյալ մանրամասն տեղեկատվություն կարող եք գտնել հետևյալ հղումներով.

https://acra.am/?page_id=633&lang=hy#inform_2

https://www.abcfinance.am/lifesituations/credit-history.html 

 

• Իրավաբանական անձանց համար
• Անհատների համար

ՈՒՇԱԴՐՈՒԹՅՈՒՆ` ՎԱՐԿԻ ՏՈԿՈՍԱԳՈՒՄԱՐՆԵՐԸ ՀԱՇՎԱՐԿՎՈՒՄ ԵՆ ԱՆՎԱՆԱԿԱՆ ՏՈԿՈՍԱԴՐՈՒՅՔԻ ՀԻՄԱՆ ՎՐԱ: ԻՍԿ ՏԱՐԵԿԱՆ ՓԱՍՏԱՑԻ ՏՈԿՈՍԱԴՐՈՒՅՔԸ ՑՈՒՅՑ Է ՏԱԼԻՍ, ԹԵ ՈՐՔԱՆ ԿԱՐԺԵՆԱ ՎԱՐԿԸ ՁԵԶ ՀԱՄԱՐ ՏՈԿՈՍԱԳՈՒՄԱՐՆԵՐԸ ԵՎ ՎԱՐԿԻ ՏՐԱՄԱԴՐՄԱՆ և ՍՊԱՍԱՐԿՄԱՆ ԳԾՈՎ ԲՈԼՈՐ ՊԱՐՏԱԴԻՐ ՎՃԱՐՆԵՐԸ ՍԱՀՄԱՆՎԱԾ ԺԱՄԿԵՏՆԵՐՈՒՄ ԵՎ ՉԱՓԵՐՈՎ ԿԱՏԱՐԵԼՈՒ ԴԵՊՔՈՒՄ: ՏԱՐԵԿԱՆ ՓԱՍՏԱՑԻ ՏՈԿՈՍԱԴՐՈՒՅՔԻ ՀԱՇՎԱՐԿՄԱՆ ԿԱՐԳԸ ԿԱՐՈՂ ԵՔ ԳՏՆԵԼ ՀԵՏԵՎՅԱԼ ՀԱՍՑԵՈՒՄ 8/01